話說娃娃尋日收到朋友S送嘅手做筆袋後，是非精M小朋友又話要送禮比娃子。我問送乜？
娃：佢話今個星期六日去買。可能係文具⋯
我：一定唔收得！
娃：點解呀？係未媽咪唔鍾意M呀？
我：其一啦(爆), 其二，冇理由要人地父母買嘢比你囉，你又唔係生日各樣，咁做唔啱架！聽日返學一定要同M講呀！
娃：咁如果手做嘅呢？
我：咁就得！因為呢D係心意。
娃：咁我都要整返個袋仔回S小朋友禮禾！不過冇人教我整，我又唔識⋯
我：你乖我就教你整！
娃：媽咪唔好講笑啦！我都未見過媽咪揸針缐⋯(恥笑中)
我：你返學用嘅所有索袋成set貓圖案嘅，知唔知係點様得來？
娃：買囉！？
我：布係買嘅，又係你㨂嘅，但整嘅係媽咪，你真係唔記得？
娃：吓？？？真係咩？(超驚訝)
唉⋯激死！
咁細個就老人痴呆。
娃子聽完之後即刻睇返自己D貓袋，係咁研究，之後又好珍惜咁左摸右摸D袋😂😂😂。
完來娃子用左六七年都唔知D袋全部係我手做的⋯😑😑
Search